關於香港手沖咖啡地圖
我哋係 Quality Life Coffee，一間香港咖啡烘焙店。呢個地圖嘅目標好簡單：喺香港任何地方，一按就搵到附近而家開緊、有好手沖嘅咖啡店。免費、冇廣告、唔使登入。
資料點嚟？
- OpenStreetMap：全港咖啡店嘅基本位置同名稱。
- 每日網上核實：AI 會搜尋店舖官方 Instagram／Facebook、OpenRice 同最新文章，整理手沖價錢、咖啡豆、器具同營業時間，並記低來源。每間店大約每半年重新核實一次，新店每日都會搵。
- 用家報料：發現資料唔啱、新店或者結業，可以喺店舖頁面撳「報料」。報料會先經 AI 初步篩選，再由我哋人手確認。
- 店主更新：店主認領之後可以隨時自己更新資料。
「手沖專門」係咩？
主打手沖、通常有幾款單品豆俾你揀嘅咖啡店。「有手沖」就係餐牌有手沖，但未必係主打。
私隱
收藏同「去過」只會儲喺你部機嘅瀏覽器。「附近」功能只會喺你部機計距離，我哋唔會收集你嘅位置。
版權同鳴謝
地圖資料 © OpenStreetMap 貢獻者（ODbL）；地圖圖塊由 OpenFreeMap 提供；地址座標使用香港特別行政區政府數字政策辦公室「地址查詢服務」。店舖名稱同商標屬各自擁有者。